يا اجمل ضحكة ف الدنيا
و نبع حنان و بحر حنين
يا أول حد كان ليا
و بستان الأمل للعين
حبيبتي يا سر بيدفي
و ايد تمسح هموم و تشيل
بأحب عنيكي تحضني
يا صوت اجمل من المواويل
حبيبتي يا أمي يا غالية
في عيدك قلبي يدعيلك
يا روح جنب القمر عالية
بروحي جاي اغنيلك
مفيش في الكون بشر زيك
يا جنة عشت انا فيها
على ايديكي ابوس بوسة
بقيت عمري ما يكفيها
و اقول لك تسلمي ليا
و تملي دنيتي احساس
يطول ربنا ف عمرك
يا اغلى من الدهب و الماس
