العيون اللي عن العالم خذني
عجلن ذبحي وتو الروح حيه
ناظرني يا ابو فالح واشغلني
شف سواد الليل بالعين النديه
والحجاج اللي على الجبهة فتني
لاتحرك غار كل من خويه
شدني سلهام رمشه وامتحني
مارحم حالي ولا خفف شويه
والرموش جيوش درع ومدفعيه
فيها حور وفيها نور واسلبني
عقلي وقلبي وفكري دون سيه
ترسل سهوم المنايا باغتني
من غرور وكبرياء وجاذبيه
ليتهن ياليتهن ماصادفني
وسددن سهوم للخافق قويه
مسني مس ماهو بـمس جني
وطحت طيحه ولاحد سمى عليه
هذا حظ اللي من الحب متعني
ذوب احساسه معه الفين كيه
نار شوقي لشوفته بالجوف حيه
ياعيون الوصل بالله سلفني
نومة تهنى بها العين الشقيه
وهاتن الغالي معي في حلم كني
جالس وياه جلسه عاطفيه
نتبادل همس ونقول ونغني
المحبة طب للنفس السويه
ومن جروح ماضيات عالجني
خوف قلبي قربت اله المنيه
