عنق ريم‬ و عين حر و خد ياهل

مكتمل شبه البدر لي ماكتمل

يسلب عيون الخلايق و يتجاهل

كن ما غيره بهالدنيا نزل

من ينابيع الحسن و الزين ناهل

كبرياء و جاذبية مع خجل

في وصوفه لا سؤال و لا تساؤل

منظره فايق و منطوقه عسل

في غيابه عالمي لو كان اهل

بالبشر لا لون لا طعم و ملل

عن وداده لا رجوع ولا تساهل

كل نبضٍ له بشرياني عجل

في عيوني له مراتيع و مداهل

يحتوونه وين ما حل و نزل

في وصوف المذهلة اكون ذاهل

كامله و الشعر فيها ماكتمل