لو كان عليك هنساك أنا كاره كل الناس فسيبني
أنا يوم ما وقعت محدش غير دراعي كان ساندني
أنا كنت لوحدي واتجمعنا وفجأة صرنا سوا
وصرنا سوا ليوم ما مشيت توهت من وقتها
ولأني طيب كان محدش جنبي يطيب
كنت بزعل وأفض ساكت كنت حاسسني هموت قريب
كان الزعل على وشي باين كنت مفارق
وأنا مكانش سهل عليّ أسيبك تمشي وقولت عادي
عارفك فثانيه هتنسي كل شئ ما بينا
وأنا مكونتش نزوة أنا كنت شيطان لكن حبيتها جدا
كنت بشدك بس إيديّ مكنش سهل عليها تمسك
قولتي أعذرني كنت بحبك وإنت بقيت كئيب خلاص فسيبني
وكأن روحي خرجت مني مكاتش راضية ترجع
قلبي كان بيدق بسرعة أكنه عايز قلبك يسمع
كنت هدمع لكن مسكت نفسي وقولت سهلة
ياما ضاعت مني ناس وعارفك لو عليك هتنسى
لو كان عليك عارفك حتنساني في ثواني
مش هيفضى كثير مكاني
من الليلة دي أنا هبقى ماضي وذكري ليه
لو كان عليك صعب تبكي عينيك عليّ
مستحيل أتحن ليّ
وإنت بعت هوايا ضيعته بإيديك
وأنا عارف إني أحسن وعشان بحبك بحزن
لما بشوفك جنبه بحسك عايشة في جنة وأنا في جهنم
ولا كان فارق لك إني ممكن أموت من بعدك
وإني ممكن أكون محتاج لك بإختصار مكانش حالي يهمك
وخلاص إنتهى جواباتنا أنا حرقتها
وعجبي ع اللي كات في حضني بتحلف بيّ وطلعت بيّ السما
هتشوفني في حضنه أكيد في مرة يكونوا ماشيين ع البحر
وأنا ساعتها هيبقى في ضهري بياعين الورد وبس
وأدي المزيكا اللي كرهتيها اتبقت ليّ
وأدي صحاب معدتش نافعة وإنت بقيت وحيد تخيل
بقيت زي المقطوع من شجرة غريب من يوم ما سيبتي
ضحيت كثير وأديكي بعدتي شوفتي
أنا كنت عارف إنك ماشية وكنت عادي مفارق
غنيت لك أغراب وندبة ونوتة وبياع ورد وبايع
سيبتي في قلبي مواجع كنت تايه قلبي كان متكسر
مسألتينيش إزيك أصلا
مسألتنيش ولا حتى كان فارق معاك
لو هعيش أو هموت من غير هواك
طب أقول لك إيه ويفيد بإيه كل الكلام وحيفرق إيه
مسألتنيش ولا حتى كان فارق معاك
لو هعيش أو هموت من غير هواك
طب أقول لك إيه ويفيد بإيه كل الكلام وحيفرق إيه
لو كان عليك
