شد حيلك .. جالك كبير كبيرها
بادئها من القمة ..لحد ما أجيب آخرها
شاكمها يلا ..كل السكك لاجامها
ذللها عيونهم ..في أرضها كاسرها
أنا زي الموت ، خصم ميتهزمش
متهددش .. زي القدر متجادلش
بحط مقدرش .. إجباري متحتارش
مليش نسخ .. زي صلاح متكررش
أسد في المواجهة ، جبل قصاد ريح
سايب بصمة فيكوا ، زي التاريخ
أنت صفر ميح ..زي الغزال جريح
دمك نستبيح ..كله زفت زيح
أشباح عالهوا ..جلده من غله إتهرى
لَقطة مش أدها .. بعديها إنتهي
ضاقت وسعتها ..عميت كحلتها
سكة ودوغري .. لعبتكوا قفلتها
أما حقدكوا بنزين ، دايس حرق فيه
ثقب أسود يبلع .. اللي يفكر يعديه
يعاديه نعلن فوراً ، إن نهايته إبتدت
فريسة نولع فيها ..تتاكل أورجانك
بمشيها بكيفي ..ولا أتخن ما فيكوا
يرمش بعينه ، ضهره وشه نصيبه
لو في بطن الحوت ..نشقه نجيبه
يموت في إيدي ..قسمته ونصيبه
إصحي فوّق يلا ، عن بعضك أفرقك
بحييك بـ الصدمة ..بعد ما أودعك
زحفت زي البرص ..من القمة بديلك
تترج الأرض تحتي ، ف سقفك يبيدك
ضربة مُهينة ..خدت كرامتك رهينة
دبحت في المكسيك ..ملقتش دكر فيها
ف أزود نارهم ..وبـ حطامهم أطفيها
لوحدي بطولي بطولة ..أكيفها فـ أكفيها
قمت مطربقها .. عاليها لـ واطيها
أسففوا التراب ..أساوي وشه بيها
أنا مهما أغيب ..زي الشمس باجي
بنزل ضرب بالآلي ..زي هتلر عدواني
عمري ما أنولهالك ..خليك في إكتئابك
منسي زي نوكيا .. محدش حس بغيابك
في طبعك الندالة ..سماوي محقون غل
كابوس زي الجاثوم .. وعد مش هحل
زي المختار ..بهجم بدون إنذار
طفرة خاطف الأنظار ..قيمة زي الآثار
متخلقش اللي يكسرني ..ولا تعرف توصلي
ملكش جميل عليا ..ربك اللي نصرني
بمشيها بكيفي ..ولا أتخن ما فيكوا
يرمش بعينه ، ضهره وشه نصيبه
لو في بطن الحوت ..نشقه نجيبه
يموت في إيدي ..قسمته ونصيبه
