منا قيدت صوابعى شمع لحد ما قلبى ساح
تعبت معاك كتير زمان وكنت فاكر يوم هرتاح
قطعت سيرتى فى ضهرى ليه ده انا كنت ليك مداح
انا الكتف الى شال طب ليه رافع عليا البعد سلاح
بقى مش هامك غرامنا ولا انت استكبرت
بقيت ابص فى عينك احس العمر راح ع الارض
ببصلك فى ذهول - حاسسك حد تانى
ببصلك واقول لنفسى ده يا خسارة الاغانى
اتعشمت الازمة تعدى فضلت اكلم نفسى فضلت اهدى
النار جوايا الماية برا دموع فى خدى
وانا لوحدى - بغنى أكنى بهزى
يؤسفنى اقول ان انا معاك ضيعت نفسى
بطلت احاول بس يبان كأنى رضيت اعيش
بطلت احاول اساعد فيك متخسرنيش
شوف الى كان بيخاف م الدنيا عليك دلوقتى اتتهور
بقى بيدوس على حبك بقى مش فارق لو اتعور
__
انا حد تانى والى كنته زمان مفاضلش غير هدومه
بقيت اكتر انسان خوفت زمان اكونه
ببص فى مراية ومش لاقى حد الومه
كان قدرى اربى فى ناس عشان يخونوا
_
مفهمتاش - اشمعنا انا وانتى الدنيا بيننا باعدة
مشيتى وذكرياتك لسه قاعدة
قلبتى حبى ليه وقولتيله الى بعدك
ساعات بكون بشر محتاج مساعدة
قبل النوم كابوس وبعد النوم كابوس
كبرنا عرفنا الدنيا مبتضحكش بس ليها ضروس
اتعلمنا - بس عرفنا الدنيا ليها دروس
اى معادلة ازمة فى عمرى ليه حلها فلوس
مكانتش خيانتك سر كان يشوفها الاعمى
تسلم الايادى الناعمة
العيون السود تخدعنا يسلم القلب الى باعنا
انتى لعنة لدرجة ان كلامى ليكى مالوش اى معنى
جرحتينى كتير و اديتك حضن فى دورى
بس الى بلعته زمان اهو جيه و قفلى فى زورى
خلانى كل يوم منمش بس مكانش ارق
الحوت الى شال الكون على كتف جاله يوم وبرك
_
انا حد تانى والى كنته زمان مفاضلش غير هدومه
بقيت اكتر انسان خوفت زمان اكونه
ببص فى مراية ومش لاقى حد الومه
كان قدرى اربى فى ناس عشان يخونوا
__
نفسى ارجع بس يومين زمان كان فينا خير
مخدتهاش وسافرنا برا بس ضحكنا ع الكورنيش بليل
كان لسه فيا وفيها حيل
كانت المشاكل يبقى اخرها يوم وليلة ماليها ديل
كانت الدماغ لو ترسى بين دراعتها القلب يهدى
نسيت معاها نطق كلام كتير زى الحزن والوحدة
كان نفسى نفضل احنا واغنيلها تراكات
يبقى الحزن الى فى القلوب ملخصه الى فات
بس احنا هلكنا - الحظ ركن الاختيار ع الدكة
والنصيب حكم والدنيا حدفت كل قلب سكة
من فين لفين ارميلها كلمة فى التراك تتبسط
حلاوة روح زمانها فى بيتها و خلاص اتجوزت
زمانها فى بيتها والى انوله سقفة
زمانها تقول معقول بعد السنين دى كلها حياته واقفة
هتبص للصور وتشوفنا بنضحك هتغنيلنا
فتخاف تحكى للصور ع الى حصل بيننا
__
فى شىء جوايا مبيهداش
كنت وعدت الخد الى باش محنلهاش
كنت وعدت نفسى من اخر تراك مغنيلهاش
امى قالتلى لسه معاك سنين متحدفهاش
