هسأل و اللي يرد عليا و اللي يجاوب صح هنصقفله
و اللي هيكسب هو اللي هينجح
هقول فزوره سهله صغيورة
مين الشطور اللي هيحلها
( كلنا جاهزين و عشان شاطرين هنكون عارفين طبعا حلها )
واحد كل كلامه خيال و حاجات و هميه دايما يحكي ن غريبه ماهياش حقيقيه
ممكن يحلف ان القطة تسوق عربيه
و ان الفيل كان ماشي في ايده ماسك عسلية
حزروا فزروا – ركزوا فكروا – و اوعوا تهزروا – مش عايزة هزار
عرفتوا ؟
يا سلام يا سلام مش عايزة كلام ، عارفينوا تمام هو الفشار
( يا فشار يا فشار الكداب هيخش النار )
( يا فشار يا فشار الكداب هيخش النار )
واحد غاوي يضيع وقته بكل سذاجه
يومه مضيعه عالتليفزيون و التلاجه
مبيعملش الواجب ولا بيذاكر حاجه
و ميعرفش افرخه بالعربي اسمها دجاجه
حزروا فزروا – ركزوا فكروا – و اوعوا تهزروا – هتحلوا اكيد
يا سلام يا سلام مش عايزة كلام ، عارفينوا تمام دا اللي اسمه بليد
( هيشاوروا عليه و يقولوا البليد اهو )
طب شاوروا عليه و قولوله البليد اهو .
قد الكف و شبه السمكه و ديلها طويل ( ديلها طويل )
حلوه عنيها بلون البحر و شعرها ليل ( شعرها ليل )
زي الشطة و طعمها بالشيكولاته جميل ( شيكولاته )
صوتها رفيع و بتتقاس بالساعه و الميل
ااه بتشتغلوني ؟
حزري فزري – ركزي فكري – حاولي تدوري بقي تتطلع ايه
لا مش عارفاها و احترت معاها
طب ايه معناها ، طب قولوا عليه
دا كلام لعب عيال و خلاص يعني ملوش معني ولا اساس .
