النيل الباكي ، النيل الناح
لابد في يوم يهدأ ويرتاح
لسه الرصاص برمي الارواح
والمات مغدور قاتلاه اشباح
نكون اخوان وكيف نعيش اخوان
بلدنا واحد بس بجمعنا سودان
بالحب ندوم وهو البملانا حنان
ده كل ربوعو في عيونا سيان
في رحابو ، في شبابو
وفي المشو منو فاتو وغابو
يا سماهو يا ترابو
ضم فيك اجساد من طابو
ما بنخاف قالو ما بنخاف
بس حرية ودي الما فيها خلاف
السلام ما بتجيبو سياف
والاوطان ما ببنوها ضعاف
يا عم عارفنك ضايق
والقالو الحق اولادك
عايزنك هادي ورايق
تعبوك هبشوك في زادك
النيل الباكي ، النيل الناح
لابد في يوم يهدأ ويرتاح
لسه الرصاص برمي الارواح
والمات مغدور قاتلاه اشباح
حلمنا بالسلام حلمنا بالامان
عشقنا لي وطنا كان جوانا من زمان
اكتبنا في الأعنان بنقولها للعيان
بلدنا بينا حر وبينا ببقى وبينا كان
انفج نور ومستحيل يحكمنا جور
سودانا حر ونور شبابو كان جهور
انا في بلاد وشفت فيها الحب بثور
بين الرصاص وغاص شبابها في قبور
فجر حبك الفجاج وناضل يا وطن تاني
وانهض فوق خراب ازمان وابشر ده الحلم داني
اضمك بين جفون عيني واشوفك في الحلم الوان
تروح احزان ويعلو مع الوطن انسان
النيل الباكي ، النيل الناح
لابد في يوم يهدأ ويرتاح
لسه الرصاص برمي الارواح
والمات مغدور قاتلاه اشباح
