بكتم في نفسي كتير و عايش عشان كل يوم اموت و بس
جوايا حزن كبير و من الوجع و من الدموع مبقتش احس
في حاجة مش مظبوطة فيا باينلها راحت عليا
عمال بداري دموع عينيا مبقاش خلاص في الدنيا خير
حاسس هيجرالي حاجة و خسرت انا كل حاجة
بقى الطمع عادي بفجاجة و الواضح ان مفيش ضمير
بكتم في نفسي كتير اه
بكتم في نفسي كتير الاه و مفيش في ايدي اي حاجة تنعمل
سايباها انا على الله و بقول حيجي اليوم و حالي هيتعدل
جوايا خوف من غير سبب دنيا اتعلمت فيها الادب
عمال اشوف منها العجب و بختي ماشية سنين وراه
كل اما بتروق وتحلى ترميني تاني في وحلة
و بلف ليل و نهار في سحلة عالم بيسقيني اذاه بكتم في نفس الاه
بكتم في نفسي هموم و رضيت بهمي و قولت متعود عليه
و ببات و اقوم مظلوم علشان ماليش في الدنيا ضهر اتحامى فيه
بجد فاض بيا الوجع و صوتي عمره ما اتسمع
معرفش اعيش مبقاش جدع و بشيل جراح مالهاش لزوم
متكعبلة ليه معايا و همومي مالهاش نهاية
و جراح ما ليها عدد ورايا و حزن طارح كل يوم بكتم في نفسي هموم
