لو ماشي طريقك صحراوي
ومش لاقي في السكة قهاوي
يبقا الحل إيه؟؟
شلاطيمو
لو كنت رفيع ومعصص عود قصب
اتبهدل واتمصمص
يبقا الحل إيه؟؟
شلاطيمو
اشرب جردل ممنه كفاية
بس يكون على الريق
شهر وشوف نفسك فى مراية
تلقى شوال دقيق
لو شايف فوق السرير
فيه عصابة وشلة صراصير
يبقى الحل ايه؟؟
شلاطيمو
لو جوزك قرفان من البيت
وتملي بيهرب علي الغيط
يبقى الحل ايه؟؟
شلاطيمو
حطي اتنين كيلو علي خدودك
وسيبيها علي الله
جوزك هيحبك ويعوزك
وتعيشوا الحياة
