تعالولي بعد ما اشوف بعيوني

دخيل الله ارجعولي

تعالولي ترة اني باخر انفاسي

يمكن ما تلحكَولي

بعدكم والله ضيعني

جرح الفركَة يوجعني

ضلام الدنيا تعبني

شمسكم فدوه ضوولي

تعالولي ارجعولي

انا اشسويت ليش بهيجي اجازه

لو ادري ولاحبيت

انا اشسويت كَلبي يخسر اعزازه

يضل وحشة عليه البيت

محبتكم تضل بي

تزيد الشوك ليليه

يا ربي قرب الجيه

وخليهم يحنولي

يخلوني ليلي كله سهرانة

النوم مفارك عيوني

يخلوني عليهم روحي حزنانة

ولا مصدك يعوفوني

ادور وين والكَيهم

عمر خلصته اتانيهم

اضل بعيوني شاريهم

مثل ما ابجي يبجولي

تعالولي ارجعولي