بتجمعنا الحياة صدفه
فى عز الزحمه و الاحزان
وسط العتمه و الدخان
وفجأه بتظهرى انتى
كشمس تنور الايام
وعزفه تسكت الجمهور
اركز فيكي و انساهم
على هواهم..مشيت و رضيت
وجه الوقت انى اغير بيت
في فرحه كبيره انا شايف
لاكن المرادى انا مش خايف
انا جايز اكون بقيت ضد الصدمات
والاوجاع و الوقعات
كل الاتى بقا العادى
و كل الرايح بالسلامات
انا شايف دنيا بتضحكلى
وشايلالى حاجات
انا شايف بكرة وانا معاكى مخبيلي مفاجات
انا شايف ضحكه
بترسملى طريقي الجاي
الضحكه الى تخليني انا حى
بعد ما موت لعشرين مرة
وياترى هتكملى رسم طريق
ولا هتستكفي بدوران
وارجع مطرح زعلي ووجعي
وقلقي من الجايات
ومن الرايحات ومن يومى
اللي انا بعيشو
انا نفسي تكونى حياة
واكمل عمرى و سنيني
وانا طاير من الفرحه
واكمل رسم في طريقي
و واثق مش هتنسيني
ولا تسيبيني للايام
وجودك لين بعد رخام
وجودك لمه بعد زحام
وجودك شئ مقويني
وبيصبرنى على الايام
بشوفك حلم
بشوف انك معايا البطله جوا الفيلم
ورغم ان الكلام من الاوهام
بكون مبسوط ساعات قدام
بفعل النظرة من عينيك
واصبحتى قمرى الغالى
وقمرى العالى و قدرى الباقي
وحبي الابدى و كل الدنيا
ودنيا في دنيا
وكل ما ليا
واغلى ما عندى
وحب مالينى
وعشق مالكيني
وقلبى الماشي ليكي سايقينى
وبسئل هل اكون احلام
لشخص جايز ميعرفنيش
وقلب عبيط ما بينقيش
صام صام وفطر على جنه
ياريت تديني من الخيرات
ياريت تبقيلي كل الخير
ياريت ربي يعوضنى بيكي
"انتى"
فهل ترضي تكونى الجنه
واكونلك بيت
وتبقيلي ....
واكون "انتى"
تكونى المرسى لسفينتي
تكونى معايا
تكونى حبيبتى
