قُربك مؤذي فـ اتمنيت الوحده افضل.
بس ولا قدرت انساكي ولا قدرت ابطل افكر.
وظيفتك تزعلني .. وظيفتي اكتبلك فيرس.
لو هتصاحبني ساعه هعلمك معني كلمه بؤس
و متحاولش تصلح . مش هترجع الي اتكسر
انا حبي ليكي كان عباره عن ازاز واتكِسر
انا حبيت وانتي كزهتي عكس الناس فيا بتهدي.
انا ما الا شخص حياتي ع الفرح بتساومني
الحزن فتره ومش بتعدي رغم العمر مش بيهدي
وانا يا وعدي بين وعود كدابه مش هتنفعني.
مين فيكم سئلني عني .! مين فيكم فاكرني ..؟
انا حبيت البُعد عشان مفيش مخلوق ينافقني.
حاول متكدبش انت زعلك مبيغبش.
مفيش حلول في الارض سيبنا الحل لرب العرش
ادينا كبرنا ومبنمش وبقينا مبنهدااش.
نفس النفس الي حبتك ان انت محبتهاش..
----
''حاولت انساكي'' بس وربي انا مقدرت
العبره مش بلوقت العبره بـ قد اي انا كنت بحب
#حاولت اني افضل فترهه .. حاولت مبقاش فترهه.
#حاولت بس رجعت وقولت يارتني ما كنت حاولت
----
و متكدبيش وتنافقي. انا عارف اني وحدي
ولحد امتا انا هصبر عدي عمري وانا مستني.
ومين هيحن تاني عليا بعد ما انت قسيت
اهو زعلي مبقاش نكته عشان تسمع وتقول ياريت
متكدبيش وتعيشي دور المظلومه طول الوقت. .
وانت متعمليش صديق عشان كداب .. ولو صدقت.
اه حبيتك بس انا مش ملاك عشان انسالك ذنب.
بعدت ومحبتش اني افضل جمبك رغم البعد صعب.
ومتأسيش يدنيا انا معدش حمل اتظلم
حظي زفت.. علي دماغي .. الف بيت بيتهدم
وانا حزين وتعبت ..انا مليت وزهقت ..
كل م امشي في شئ من اول خطوه الاقيه اتسد.
انا مش عاوز اعيش مع حد .. انت معدش ملكي
ولا حتا انا عدت ملكي انا خلاص كرهت عيشتي
مستغرب ازاي انا اتئذي من الي كانو مني.
تعبت منك يبنتي.. ف علي وجع قلبي الله يعني
