ابتسـم بــدر الليالي و انجلى سـرب الغمـام
و اكتسـى صـدر المعالي من تخرجنا وسـام
و مشاعـر هالأهالي كلها برد وافراح وسلام
ألـف مبـروكٍ يا غالـي هذا هـو مسك الختام
مـــرت الأيــام فــي لمـح البصــر
والمسا اللي طال يا حلمي قصر
واللــي يتمسـك بحلمــه ينتصــر
ويكتـب التاريـخ عــام بعــد عـام
هـــذا عيـدك يـا معلمنـا الأبـــي
أشهــد انـك يـا بعـد أمـي وابي
فــي عيونك شلت ميـراث النــبي
كــم سهـرت الليـل والعالم نيــام
اتحــــدنا بالأمانــــي والمصيـــر
همنــا التعليــم لو مهمــا يصيــر
والله ان العمــر مـن دونه قصيــر
والله أن الكـون مــن دونــه ظـلام
مـن يحس بغيبـتي ويشتـاق لـي
مـن دفــع يومــه لجـل مستقبـلي
من يضحي مثل ما ضحـوا هلي
يا عساهـم دوم فـي حـب ووئــام
الحضـارة صـرح واحنا الأعمـدة
همنـــا نبنــي وطـــن .. ونشيّــده
فــي مــدارس بالقيـــم متحــــدة
صرحهــا بالعلــم والإيمـان قــام
دُفعــتي مــا راح يفرقنـا الزمــن
حبكــم والله فــي قلـبـي سكـــن
وان تخرجـنا تـرى يبقى الوطــن
حضننا اللي نجتمـع فيه بسلام
