يمرّ الحنين وينسرق للضياع سنين
وأعذّل على قلبي وأمنّيه بأحلامي
تغافلت وأطلالي تبيّن علي البين
وحظّي رهن ضحكه على ضحكة أيّامي
يساوم زماني أمنياتي وأنا للحين
عجزت أفرد البسمة وبالصمت متسامي
وفي ذروة أحزاني طرا لي زهر تشرين
عذي الشعور اللي عن أخطاه متعامي
ذكرته وأنا ما بين رجوى وخيبة سين
ومطلع قصيدة وأغنية علّ يا ضامي
وجودي على وصله قبل عزلة الروتين
قبل تاكل الغربة عليّ زهرة أعوامي
عليه الحزن عامين يشرب دموع العين
وعامين والحسرة تعكّز على إحطامي
أشوف السعادة تتبعه وين ما أدري وين
ولا عاد تسعفني على إقدامي أقدامي
ولا عاد تسعفني على إقدامي أقدامي
ومن زود ما تسائلت وينه ذكرته لين
بدا الصّبْر يعزمني على باقي إبهامي
يh كم قلت يا الهاجس تناسى ثري الزين
وتربك تجاعيد الورق رغبة أقلامي
ومن صدمة الفرقه وتلويحة الكفين
بديت أكتئب وأصبحت بالحزْن مترامي
وحيد وأحس الليل في غيبته ليلين
وللآن وأنفاس الصّبَح توقظ ألامي
خطاي النبيل اللي غدا معترك تخمين
إلي نيّة بيضا وأشوف الهوى سامي
سهجت الغرام اللي دروبه تبي قلبين
سهيت وعلى عمري تماديت بأوهامي
تهقويت لين أسهرت عينن سهرها شين
ولا عاد ينفعني قصيدي مع إلهامي
أنا ناذر آيّامي للأحباب لين إتزين
ولا زانوا أحبابي ولا زانت أيّامي
ولا زانوا أحبابي ولا زانت أيّامي
