الفرق اللي بينا وبين الميت إنا مش مدفونين بـمقابر
اراهن لو تفتح باب الهجره لكل الشعب يـهاجر
اذا كان القاضي خصمك.. لمين تشكي فقرك
لمين تطلع اللي بقلبك .. إحبس دمعك
ما حدا داري عنك
كل شي بغلى بهالبلد الا المواطن ماله سعر
تنقهر وما يطلع بيدك اشي غير تغني وتشعر
حتى شعرك ماله قيمه ...
كل العيون ع جيبة المواطن كنها غنيمه
حط عينك بعيني وشوف حياتي قديش اليمه
عمري 23وما في بجيبتي تعريفه
مكتوب علي اضل ف بلد الغني فقير فيها
صرت احس المظلوم ..هو بس اللي حاميها
غضب من الشارع للشارع .. شعب خاضع
رح يندفن بنفس المكان ونفس الشارع
ما بدهم عز ما بدهم صمود بدهم شعب راكع
===========
كان نفسي امدحك واتكلم عنك بالخير
حتى دمي نشف ولك صرت احسد الطير
عشان بقدر يطلع منك عشان ببعد عنك
هاذ مش مطر هاد دمع الشعب على ارضك
انا اسف يابني كنت حاب احكيلك عن ايامي
بس سكتت لاني خجلت من انحطاط اوطاني
بلد المليون جباار.. هيك المفروض إسمك
ابتسامتنا هيبه شر البليه ما يضحك
بسمحولك ترسم حلمك بس برا هاي الخارطه
انت مش فاشل.. انت ما معك واسطه
عنا المسوؤل لما يستلم بجيب غرا اصلي
عشان ما حدا ..يقدر يشيلو عن الكرسي
الظلم استولى المكان بحجة الامان
دار الظلم والظلام عنا هيك شعار عمان
الخمرة ارخص من الاكل والشعب جعان
هالسياسه يتبعوها معك عشان تضلك سكران
بعد ما سافرت اكثر شي خنقني
بلاد الغربه اكرمتني وبلادي ما احترمتني
لا تقلي وضعنا احسن من باقي الدول
صحيح احنا احسن بس احسن من 3 دول؟
غريب لما يحسسوك انك اقل من هالعالم
خلص انكتم رح تنعدم بلد ظلم
بس انا مصمم اتكلم واعلم جيل نظلم متألم
من تحت الارض بقذف لساني منجنيق
سطوري كالسيوف ملطخة بدم عتيق
متخذين معنا ثقافة العصا لمن عصى
ياخي تبا للشيك اللي بينا وبين الأقصى
عمرك لا تتوقع امن وامان من فقير
لانه.. ما رح يتنازل عن حقه بكاس وبير
امسكني وحط ضريبه عالنفس اللي بتنفسه
اخنقني اكثر بس ما رح تقدر توقف اللي بكتبه
لاني بجميع الاحوال بدفع ضريبة الوجع اللي بشربه..
لاني مكبوت ونفسي المسه .. للدينار بدي امسكه
واحس بقيمتو ..قبل ما حدا يسرقو
أوعدك انه الشعب بيوم حيكون ايد وحده
لانه الفرج ما بيجي الا بعد الشده
