فجأه دخلت دنيا أول ذكرى دونتها

بعد ليالي عيون الكل فيا بقت تتعدى

دعو لمن تعبت عدت سنين كبرت

فاهم حياتي لعب زمن الطفوله عدى فجأه

عكست الصوره في انعاكسها كنت اتأمل

ساوت نتيجه والفهم لسه ما قادر يوصل

سابح في كون ملغم داير معاني أفضل

عشان اطبق المعلومه إلا أفشل

كبرت كبر معاي من كان صغير

فهمت ان الدنيا ماهي إلا الحب للغير

أكرمت الفقير فيها عرفت كيف الخير

لكن لقيت الناس تاكل في بعضها زي الطير

إتعجبت! كبرت فيها واتغيرت

لولا استعجابي ما كان فكري اتغير للحظه

ماسك كتاب قرأت مثقف بس جهلت

إن الحياه براها مدرسه فيها اتعلمت

أيام الصغر إنسان صغير ما فاهم إلا الحولي دول

اكبر وافهم شوفت الإنعكاس في الصوره والقانون

كل النوايا الطيبه انعكست ليه نشوف الخير معدوم

حياه ما تدوم دنيا نهايتها عملك داخل تابوت

كل يوم معلومه منها بستفاد

واخد جرعة ثقافه زايده من وساخة الناس

وين الإخلاص يا ناس الراجي موت والده عشان ميراث

والهدد أخوه عشان المال بطلقة رصاص

غابه فعلا غابه والبيتذل بيسف ترابها

لو تمد ايدك بالخير تشوف عكس القالوه في اخلاصها

الحقد فيك بيزيد والناوي ليك في السر

ما تشوف منهم جديد إلا بس يوصلك الرزق

الفرق شوفتو وفي انعكاس الصوره حفظتو

القال جمبك واقف مع حلمك انت تبني وهو يهدو

مهما سويت مصيرك قبر فيهو وحيد

مافي حاجه بتبقى ليك غير اعمالك بس تفيد

واقع نجس حتى اقرب الناس ليا باعوني بقرش

إبني المفروض إبني يتمنى اموت عشان يستلم الورث

عايش وكلت أمري راضي بالكاتبو ربي

حتى أولادي القولت يقيفو جمبي وقفو ضدي

كل شئ إتوقعتو طيب بان لي العكس

الطفل الكان صغير بقى عجوز وفاهم النص

بزيد في العمر والسنين تمر حتى وصلت

مرسى العجز البيهو قاعد مكاني ما اتحركت

كل الأحباب فقدت سنة حياه فهمت

راجي حسن الختام حسناتي بيها اكون في الجنه

يا ابن ادم الدنيا هذه كلها فانيه

أعمل خيراك في دنياك اعمالك هي الباقيه

أيام الصغر إنسان صغير ما فاهم إلا الحولي دول

اكبر وافهم شوفت الإنعكاس في الصوره والقانون

كل النوايا الطيبه انعكست ليه نشوف الخير معدوم

حياه ما تدوم دنيا نهايتها عملك داخل تابوت