حدود الفكر و التفكير في الحقيقه ملكي , بس ملكي مش مساعد ان حدودي تكفي,تسند ضعف عزمي و لأصل حلمي تحمي فا فضلت اعافر فـ صمتي ابني في حِطان مدينتي , بس يأسي من عالمكم خنجر كان في صدري

جرح بكرا المضمون من ساعات اليأس خلّى املي في الحياه طاقة كانت بالعكس, تكشف كل سلب و تسلب كل حق تعفي نفسي من النضال و الصراخ بــلأ اختياري لاختياركوا وعد و اتفاق اني امضي على الضمانه و احلف بالولاء, اسف مش هساعد اكون لحلمي باعد اقتل كل شاهد كان للثورة واعد, الخروج عن المضمون فكرة مش مألوفه و المألوف للعقول فكرة كانت موصوفه

تحجم كل جامح تربط كل حي تمحي من قاموس حياتك ان بكرا جيّ .. جيّ غصب عني لو هتكون معايا كذبه واضحة من البداية و عايشه للنهاية , انت عكس فعلي .. انت كل ماضي ... انت راضي الحقوق تضيع و تبقى عادي

فرق العمر و التفكير بين الجيل الحر زي حبك للحياة و اختيار المر , احنا جيل يحاول,احنا جيل يغير و انتوا جيل في الحرية عمره كان قصير سرق الامل مننا و اللي بيشكي يموت كده او كده ميت فاصرخ بعلو الصوت

كل الشوارع لينا والثورة للثوار و الحر لو يسكت يبقى ملاه العار,طال الفرق بيننا احنا بيننا شقّ جيل بيرفض السكوت الخلاصة لأ ... لأ لكل صمت,لأ لكل خوف, لأ بتلعن اختياركوا و تنكر الظروف, لأ تصبر الّي خايف حتى ان صبروا طال,لأ تكسر الحصون حتى لو جبال ساقط رغم حجمك مهما انك تكون

احنا نور الحقيقة في عتمة الظنون

احنا نور الحقيقة في عتمة الظنــون !