في عز سكون الصمت وخوفه

وفِي عز ما قلبي يداري حنينه

وآنين جوايا أستل سيوفه

يصرخ في حشايا حبيبك فينه

لو بعت كتير، ليه حبه مابعتش؟!

لو بعده مصير؟ طب ليه ماقدرتش؟!

ليه حافر اسمه جوه جروحك؟!

ليه روحه أقرب ليك من روحك؟!

ليه عاجز ترفض حُكم هواه؟!

ليه حلمك دايماً تبقى معاه؟!

ليه حاسس دمه قريب من دمك؟!

وكأنه أخوك مولود من أمك؟!

عارف إنك قلب وفيك إحساس

لكن إحساسك بيه بينداس

صرخت بكيت، هعملك إيه؟!

مابيحبكش، فتجري عليه؟!

وحشك؟

إطلع مني وروح له

وحشك؟ إطلع مني وروح له

مادام أدمنت لقربه وذله

عارف إن جيت تاني طلبت دفاعي؟

هزرع في مكانك قلب صناعي

وهكتب على الWall إنك دلدول

وأضحك وأشاور أقول مذلول

هعملك فيديو وأقول مَش قلبي

وعندي متابعين وهيقفوا في صفي

بره يا كلب

بره يا كلب إياك يوم ترجع

روح له يارب، تتقلي في الزيت

خده بالحضن ابكي له واخضع

ما إنت اسمك قلب أهبل وعبيط