ولا باقي غير كلام مش مكتوب
عدى سنين عدى ايام ايه موجود
لسه كتير عندي احلام فيها اتوه
لسه كتير وانا بعيد مش هكون
اديني لحظه سبيني اعيش ايامي
وقت ضاع بس كان كله ادامي
كنت تايه انا سايب الباقي
كنت ضايع محبوس في دماغي
جواها شياطين
تقولي متجيش
تقولي براها بعيد خليك
واللي بيروح تاني لا مبيجيش
ادتني الضربه ومن غير مواعيد
دماغي رحاله
غاويه ترحال وانا ووياها
وانت معايا
كل مره بحكي نفس الحكايه
عندي كتير عندي كتير
عندي كتير احكيه
طالع بره الكون تاني
مفيش تاني مفيش داعي
على دماغي وايه باقي
نعيد تاني انا نساني وقساني
زمن جابني ووداني
وناس تيجي وناس تمشي
وناس سايبه مكان فاضي
وانا قصادي مفيش غيري ومش راضي
وكل مره بقول ان اخرها المره دي
ماسح سطر سايب سطر
مفيش وقت مفيش كر
مفيش من السكه مفر
عايز ايه انا بالظبط
كله تخبيط
مش هتيجي على بالي ولا تخطيط
مره في ايدي مره تانيه مني بعيد
مش هحاول تاني في القصه اعيد
ولا باقي غير كلام مش مكتوب
عدى سنين عدى ايام ايه موجود
لسه كتير عندي احلام فيها اتوه
لسه كتير وانا بعيد مش هكون
