قلبي بِحاجة يضمَك

وبحضنَـك يطفي حروقو

بيكفّي يضحك تمـَك

بتوصلّو كل حقوقو

قلبي مغروم بعينيك

بيحبك بيموت عليك

ورح يبقى عاحالو هيك

تاتفلَت منو عروقو

حبيبي كنت وبعدَك

جرحلي قلبي بُعدَك

عذاب الدقتو بعدَك

انشالله بعمرَك ما تدوقو

فاقدلَك أكتر ما العين

بتفقد لَدمعة مسحتا

وأكتر ما الشفة بتحنّ

تسكّر عالشفة التحتا

وأكتر ما بتشتاق الروح

للجسم المنّو بتروح

والليل العتمو مجروح

للصبح وضوّ شروقو