مكتئب ، حربى ضد الوقت انا منهزم
جوا منى الف حكايه ... لكن ببان مبتسم
كم الخساير لا يعد حلي الوحيد انعزل
ول انى بطل القصه صعب ف مره انى اعتزل
مجهودى ضاع فى الحلم ، مشيت السكه وانا مضطر
الامل كان رفيق الدرب ، عافرت لحد ماشطبت
كأنى ، واجهه لقله الحيله و الفشل
مع انى صاحب حق .... نصيبى كان بالأجل
كله اتخلي ، بقيت لحالي وسط العتمه
مني اتملك يأس .. باقى فيا يدوب محاوله
اقع و اقوم .. بلوم ف حالى مش مبسوط
جوا منى حرب تدور مش هنجي منها انا بموت
فقير الحظ انا ف القرب كله خاف و قلق
واللى اتجرأ .. كان بيهد شخص اتلصم
فى الخذلان انا توهت ، ب الوعود حرمت اتعلق
كأن القلب هامش ربح متاح للكل يخصم
كان نفسي اكون مبسوط
بضحك و بعلو الصوت
ماشكيش همي لناس
نفسهم اني اموت
مش عايز حد جمبي
انتو وجودكم زييف
في وقت ما بحتاج
انتم بتكونوا فين
لا مش انا .. مبتهزمش طول ما فيا الروح
عضمى صلب اكمنى صعب اسلم لسه حيلتي طموح
مهما اشوف سواد ، دايما ابقى لنفسى النور
اما حلمى كان من ذهب صعب لصدى يمسه بسوء
اتعلمت اعاند ،، لو فـ وسط الموج اعافر
انا سلاحى صبر مستحيل انك تلمحله اخر
حتى شغفى لو يقل ،، ايمانى بذاتى كافي
بحمد ربي ع النصيب و كل عقبه اشوفها دافع
عيشها طول و عرض ، ما بحبك امر
ماتخبي الملامح حزن الا و جبيني يضحك غصب
مش غرور ... بسند ف نفسي مش محتاج
لايد تكسر بخاطرى ... وتقولى مش سنداك
مابنسحبش ،، اكمني بطبع فارس
لكل اللي استني خسارتي انا بكره هبقي ناجح
انتقامى منهم فعل لما تشرق شمس الحلم
يكفي يلمحوني بوصل وابتسامتي تملا الكدر
