كنت داري ان هالموعد اخير
قلبي قارصني من اسلوبك معاي
مرتبك حاير وتتلفت كثير
موجع احساسي وانا اتحرى عناي
اختصر هالوقت واجرحني بضمير
ودي لا من رحت استصغر خطاي
ودي انسى ذكرياتك لين اصير
شخص ماهمه من العالم سواي
روح وانساني ولا تفكر اغير
من يبيع اليوم يستاهل جفاي
لا تصافحني ولا اشوفك بخير
في حضن بردي بيجمعني دفاي
مو صحيح اني اببكي واستخير
ادعي الله حتى لو وصلك شقاي
روح لاحبابك ولا تسال شيصير
قادر اني القى في غيرك هناي
