مش عاوز انام واعيش في وهم الأحلام ، خليني صاحي احسن واتفرج على عجب الزمان
كنا بنسمع زمان عن كائن اسمه الانسان، دلوقتي لا راحم نفسه ولا راحم حتى الحيوان.
كل همه لبسه وشكله وجسمه وشوال الفلوس ،لكن عمره مافكر يسأل عن اخوه نايم جعان، ولا حتى عن ابوه الراجل العيان.
يلاقي واحده ماشية لابسه قالعه مش مهم التخطيط والتظبيط هو اساسه علشان يوصل ويكيف ....،
ياكل من رغيف اللي جنبه علشان يرضي بطنه وجشعه.
ياخد من تحت الترابيزه علشان يعديك من الطابور، طابور فيه غلابة وناس محتاجه وناس جعانه،
واقفين في الطابور من زمن الحناطير.
خايف انام اصحى الاقي نفسي من اللي في الطابور،عايش خايف ساكت علشان مايجيش عليها الدور.
هو فعلا كان فيه كائن زمان بيقولو عليه انسان.
خلاص انا هنام ارحم جايز الاقي في الاحلام، اللي مالقتهوش في الحاضرولا زمان ، واحتمال اقابل صدفة كائن الانسان.
