بالسما في شي غريب
هرب الصيف ، احترق الشتي و ضاع الخريف
و بالربيع في شي مريع
راح الحب .. و الجو البديع
لما ناسك يفلوا يصيروا من الماضي
رح تركض توقع ترجع توقف عالفاضي
طلع الكلام كله أوهام
كتيرة الأيام الـعشتا عالفاضي
عالأرض غبار و ضجيج
حكي و خبار و هالوضع صاير مخيف
و في عالبال .. شي ما بينقال
شو مخبى و جاية في مية سؤال
لما الوردة تهر و تدبل وراقا
وعيونك تحزن تبكي تنشف ع فراقا
لما الروح بتجي و بتروح
و الذكرى تفل و تضلا مشتاقة
لازم نفهما
