القلـب لك يا سـيد القلـب لبـا
من قبل قلبه صاحب القلب لبّـاك
حرمت عيني تطعم النوم غصبـا
يا هاجري مقدر على طول فرقاك
خليت لأجلك كل بيضـا و هـدبا
وامنيت عمري انتظر يوم لقيـاك
غرامـك اللي في فـؤادي تربّـا
يشفع إذا تخطي ويغفر خطـاياك
واشوف إنك ناهب الأرض نهبـا
وعلى الذي تفعـل فلا اقدر انساك
احـب فيك الظـلـم لأنك تحبّـا
ظلمي ويا الظالم ترى العمر يفداك
انتا طبـيبـي لو تفـيد الأطبّـا
أنا عـلاجي يا الحبـيبه بيمنـاك
يالبـدر ياللي في ثيـابه تخبّـا
لا تحرم المحـروم طلعت محيـاك
