لفى طاريك ووقف له .. واعرفك لي غنى وسداد
تخيرتك على الدنيا .. ولقيتك نعم الإنسانِ
ألا يابو عيونٍ سود .. أنا والقلب لك احياد
انا لو مت في عينك .. حبيبي قلبك أحياني
عناد في حبك الأمثال .. لا غيض بها قهر حساد
فدتك الروح لو ترضيك .. أساومها بخسراني
عرفني حب غير الحب .. عرفته حب يرد ويعاد
وحبه لي تملك فيني .. نبض القلب وشرياني
في دنيا بيني وبينك .. عقدت الورد بها سجاد
تعال وخلني اتباشر .. رفيع القدر والشاني
لبيه يوم أصغي له .. أصبح صوته عقد لمراد
يخايل ناظري عينه .. ويغني بإسمه لساني
أحبك بأصدق الأفعال .. على حبك انا معتاد
وغيرك لا حشى والله .. لي ما ياز أحد ثاني
هذاك لي ماتغير فيه الأيام .. لا ولا العباد
وكل مادارت الأيام .. فيه اتزين المعاني
وكل ما دونك استخسر .. وتبقى يا غلا البلاد
وأعمم في غلاك وأخص .. انا بو قلب ظبياني
بنيتك عالم الأشواق .. كل ماشتاق لك انقاد
قصور الحب بيت لك .. تضم خاطر مرحباني
قضيت العمر في شوفك .. وألبست في غلاك أقلاد
بغيت اشفوف عند غالي .. يجازيني على احساني
أحبك حبك ما ينقص .. أحبك زاد وزاد
وكل ما يزيد حبي لك .. فيني يحبك ازماني
