دي ما غنية قدر ما هي محاضرة
جاي ارجع الافكار المصادرة
بسم الله
ما بشير بالاصابع نظام بشير لسه قامع
الزمبة :
في الشغلو المواطن البسيط بي لقمة عيش وكيف الجود
وفي منهم الشغلو المثقفاتي بالعدم والوجود
تابع معاي، شغلوهم عن شنو؟ عن الثورة زاتها ضد منو ولي شنو ضد شنو ولي منو اصلا؟
عشان وطن؟
هو شنو الوطن؟ قطعة ارض؟ حدود في الخريطة ولا فكرة وإنتماء؟
هو شنو الوطن؟ نهب ضرب قتل حرب
صراع من اجل البقاء؟
الوطن هو انا انت فلانة وفلان
أسود أحمر ابيض اخضر وباقي الألوان
يهودي مسلم مسيحي او بدون اديان
قاعدين سوى مرتاحين وفي سلام وأمان
ده ياهو الوطن، يا وطن.
انا ما سياسي م عندي طريق ليكم
ولا بسمعكم غصب ولا حريق فيكم
كل الصاح العارفو
ياهو ده
و الثورة بشعاراتها الما عارف
ياخدها
حرية سلام عدالة
خليها سلام حرية عدالة
#سلام :
السلام المفروض بيه نتمسك
أعقد سلام مع نفسك
وتابع شنو الغيرتو الليلة من امسك
حقق سلام داخلي
شان يبقى سلام خارجي
مع بيئتك
، اتفهم، اتقبل
طريقة تفكير وعقلية الآخر،
الزول داك البتكلم معاك كده بالدارجي
#حرية:
اطلع من حياة البرية
من هنا بتبدا الحرية
زح الغل والمقارنة
وكل الافكار المقارنة
عقلك أعلى من تخت فيو فكرة واحدة
احتمال غلط
اتوسع اعرف في كل طريق.
كمل الزلط.
استعمل عقلك حبة!
استعملو شديد يا زول
الحاصل استيعابو
محتاج جهد كل العقول
سيبنا من البرا اسي خلينا في الجوة
فرق تسد، لاخلت لا حول لا قوة
عب ود عرب، ود ميكي عرب زوط
صاح النسبة قطعنا فيها شوط كبير
بس لسه فاضل كم شوط
ترس في عجلة الانتاج ولا طالب
اتحرر، الشعارات دي المطالب
شنو مواكب حقوق مرأة وإنسان
طالع مطالبها من منو ؟ البرهان؟!
فترتا من اعادة الكلام من زمان
حقوق ما متوفرة في أوروبا كلها
ولا عند أسيادها الأمريكان
جاط راس البسيط
خسرنا قطاع عريض
المهم، جمعوا الشتات
صحو الفي ثبات
حي علي الثبات
علي تحقيق وطن
حلم بيهو الفات
وفي الاخير الناس تتوحد
نعرف العلينا الاهداف تتحدد.
#العدالة
اما العدالة
لو الشرطين الفوق اتحققو
ما دايره ليها مقالة.
ااي
