مني ماتسمع بعد كلمة احبك واذا كلبي حجاه اتبره من عنده
شسويله الكلب حلفته شوكه يصير اشوه يوصل يمك ينكلب ورده
شلت بيدي الجرح خليت عينك بيه حبيبي وبالجذب شفت الجرح شده
مثل ماجنه نرجع بعد هيهات هو الي مات ماتكلي منو يرده
اوصلي العين اصبري ويمه لاتبجين اشوف العين تبجي متقصده
يابايع عشرتي وناسي حب سنين جرحك بالكلب ينزف بعده
انا الماحصلت بس الندامة وياك شيفيد الندم على الدمعته بخده
تحت باب الكلب سكنت حبك بي وانت باب كلبك بيدك اسده
ماريدك بعد ماراح افكر بيك واذا حنت عيوني بيدي اعميه
روحي الرادت تجرحه كلي شبيك عمر تتوسله انت تخليه
اخذت سنين عمري وماكلتلك لا وردت لحضة من عمرك وابخلت بيه
سميتك حبيبي شكد جنت غلطان لكيت الكلمة اصلا ماتحس بيه
