احبك من زمان وخايف احجيها
صار سنين كلمه بصدري خافيها
لو نزلت دمعتي من اشتاق
اسوي الروح دمهة ويمك ابجيها
من كتلك احبك روحي صارت خيط
وخفت النفس يصعد مايرد ليها
اني النار بيه وانته كلك ماي
ذب مايك عليه وناري طفيها
جروحي رادتك لبست ثياب العيد
ورادتني على موصل هسه اوديها
مشت فوك الحزن بجروحي نص الليل
متعنيه عليك وكلبي حاديها
تعفوني كلبك شلون انطاك
عفيه عيون عندك صلفه ثاريها
مو ياهو اليجي ويصير طيب ذات
صدكني المروه تريد رعيها
