من الاول وانا حكيتلك وقايلالك
عن الماضي بتفاصيله وافعاله
حلفتلي ياما هتعوضني بكلامك
رسمت الجاي وقلت انت اللي هبقاله
وحضنك كان دفا وامان وروحك بيت
وقلتلي متخافيش خالص من الايام
انا موجود وبحر وعود ومنه صحيت
لقيت اللي حصل بينا ده كله كلام
بقى كده يعني بقى احكيلك عن اللي واجعني توجعني
وتمنعني من الفرحة وللاحزان ترجعني
ليه كده بس دي اخر حته بيها بحس
كسرتها عادي ولا بتحس وسبتلي جرح يوجعني
لو انا جوايا كان فيه عقده اهي كبرت
وتجربتك تعلم اي حد يخاف
ولو كانت همومي بسيطة اهي تقلت
وقلبي خلاص من العالم عايش خواف
بقى كده يعني بقى احكيلك عن اللي واجعني توجعني
وتمنعني من الفرحة وللاحزان ترجعني
ليه كده بس دي اخر حته بيها بحس
كسرتها عادي ولا بتحس وسبتلي جرح يوجعني
