شي نهار
تعي نعيش متل العشاق شي نهار
نحب, نغني ويحكوا عنا خبار
تعي ننسى الدني وكل همومها
نقعد عالصخر نغنج البحر بحجار
تعي نهدي حالنا ضحكات وورود
نقعد سوا عالسطوح بالبرود
نصرخ للصدى والصدى يسبح بالجرود
تعي نكتب لبعضنا أشعار
ونسمع هدوء الليل بالفضا الممدود
تعي ما نعد لا دقايق ولا ساعات
ولا حتى نعد لبعض حروف وكلمات
لا نعتب ولا نزعل ولا خناقات
نسرد بعيون قلوبنا ويبقوا خدودنا
وحدن ما يفلوا ويسلوا السهرات
شو قلتي بتقبلي لنو شي نهار
بوعدك بيرجع كل شي كأنو ما صار
شو قلتي بتقبلي لنو شي نهار؟
