عشانك يا بلدي تهون السنين
يعيش اللي صانك وما سألش مين
عشانك أضحي بحزني وفرحي
تخاصمي تصالحي أنا أقول آمين
عشان اللي راحوا وماسبوش وداع
ما تشوفي يا بلدي أبدا ضياع
إحنا اللي نبقى دايما معاكي
واحنا اللي شاريين لو حد باع
وبنحيّ عَلمك، مليون تحية
تعيشي يا بلدي قوية وأبيّة
تعيشي في سلامك سكوتك كلامك
تعدي سنينك وبرضوا صبية
وأكمّل طريقي لحد النهاية
وأسيب اللي بعدي بيروي الحكاية
ولو حتى وحدي أنا أوفي بوعدي
وييجي اللي بعدي يكمّل ورايا
وبنحيّ عَلمك، مليون تحية
تعيشي يا بلدي قوية وأبيّة
تعيشي في سلامك سكوتك كلامك
تعدي سنينك وبرضوا صبية
تعدي سنينك وبرضوا صبية
