VERSE 1:

بعمل مزيكة و مش عايز ارقام و السبب إني

بعملها ليا بس ادمان نجاحي هيجنني

لما احس إني مش مستوى ابص عالشباب من سني

دول يتمنو رد مني

بس فكك مالكلام ده انا زهقت من الدراما

توقعاتك جنة و في الآخر طلعت خربانة

صاحبي الفلوس تتجاب سهلة عليك الغنا

صفي النية و ابعد الطاقة السلبية عنك و عننا

VERSE 2:

انا غير انا دماغي مسافرة

ساعة الشيطان في الغفلة

كل نص كوباية مليان شوفتو يملى شفشق

روحت اكلمني كنت معدي ال٢٥

قاللي لسة كتير جمد قلبك المتين

بصلي و جازز درسو

اكنني واكل ورثو

انت لسه هنا اجدع انا عندي اخصامك خرصو

بس انا مليش اخصام و شكرا على سؤالك

لكن عشان تبقى رابر اصنعهم في خيالك

اعملهم شماعة علقهم على مشكلة تجيلك

هو دا التفكير السطحي دي مشكلة جيلك

هعمل ايه هستنى

لا تعمل ايه تسألنا

لو الطريق بيمشي عكسي لازم بمشيه بالعرض

لو انا باصص عالسما تلاقي نظرات للأرض

و دا مجالنا

محدش له حاجة لا عندنا و لا كلامنا

و فكرة إني مش هعدي مجتش على بالنا

Verse 3:

كله عالمظبوط و الدنيا muy buena عالآخر

لو قعدت على العرش اوعدك إني مش هتاخر

اصل كلها عاملة فاهمة

هبدلك كلمتين و بقت الدنيا زحمة

و مليش انا في اللمة انطوائي قعدة البيت طموحي

بس مش يلا نسافر انا وراكي قولي فين ماتروحي

نفسي اعملك كل حاجة و نفسي يجيلي سبونسر

نفسي افرجك على احلى ماتش في الستامفورد

بس الإمكانيات مش سامحة

و انا للدنيا طهقت و انا خلاص مش هتكلم غير لو سامعة

فيه سنة بيني و بين الجمعة

هتوحشني المدرسة و موعدكش منزلش دمعة