الsandbag اشتكي ف انا محتاج اكسر عضمك
لو الحب كان ازواق كنت ابقا زوق الشفا ف دمك
شوفتها ملاك بعدين شافتني شيطان حياتها
شوفتها الحقايق شوفتني الكره ف ثانية
بالنسبالك اول مرة بالنسبالي غباء متكرر
نسبتاً لبرودي دا مكسب بس من حالات الكسرة
طبعك حاد وانا طبعي موس ف مستحيل نكون مع بعض
سايكو داڤنشي وانا مخنوق برسم نفسي من غير قلب
الكلام دا كان كفيل اني اخلص علي نفسي بطلقة
الكلام دا كان تقيل لدرجة شوفت هشاشة الورقة
حسيتنا ف فيلم من تشويه مشاعري اكني بحلم
الخمرة مسكنات بانادول بتخلي دماغي تكتم
دي جملتي من سيناريو حياة بنعيشها للظروف
لو ناقشت نفسي ف المراية بحس بخوف
اني اشوه نفسي اكتر انتقاما مني علي
اللي عملته لما اديتلهم كتير وقلبي ملا
سواد كاني عايش علي رفات اجسادهم اللي ماتت
سواد كاني مركز علي شتات ايامي اللي باخت
وانا علقت لنفسي المشنقة عشان زهقان من يومي
لو بصيت لنفسي بلاقي سواد بيملي عيني ف نومي
ف انا بتعافي شوف قدامك ثم هبقا نجم ف شاشة
ف انا بتعافي شيك قدامك تمضي بالخوف والهشاشة
ان العمر دا بيعدي من غير سلم
وان عشان نعرف نتعايش لازم نتعود ع السم
التابوه مش هيتكسر الا بموت
التابوت مش هيطلع منه صوت
انت جثة بس اكبر م التابوت
مش هيسيعك الا لو هيكسروك
حتي لو هيقطموك اجري فيها جري وحوش
لو ف يوم استقصدوك تبقا غلطة كنت بحوش
كنت بحوش ف قلبي وكله بيجرح بالمشارط
فسحة يسلوا حياتهم مين لاكبر جرح فاتح
لوني فاتح بعد سنين لقيتني باهت
شكلي جامح حاولت تفهمني جوا القصة تاهت
جوا الغرزة ثابت نفسي اكني وجع مستديم
سم الفكرة جوا العقل وبقتل بس الموس عديم
مفيش حماوة وانا بتتاوي وسط اربع حيطان ونومة
ف مناقشة عن الموت قالولي قلبك تلاجة مردومة
ف سابع ارض مليانة بالجثث ف لسانك يتخرس
كدبت انك بتتحب ف تفكيرك يتدرس
اللي طالع مني سواد مفيش حب علشان خالد
نبوي ملتزم شوية ف انا هفضل عايش علشان بارد
كلهم عايزين ان الفلوس دي ماتخلصش
وانا كان حلم حياتي فعلا اللحظات دي ماتخلصش
ف مقياس ادائي بجواز كلمك استثنائي
مع دخلتي بياكلوا ف وشوش بعض علشان مش عاجباني
ف لو كل الناس ناسياني هسال السؤال دا تاني
عمرك فكرت تسأل انا ليه بدفن نفسي تاني ؟
