ليله و كل ليله بنمجد الجميله
هنبني حياه جديده هنكون فيها عليه
مكنش حب كانت كل حاجه ملكك
الحب قلوب بتعشق ف ازاي الحب ف عقلك؟
كنتي سندريلا وسندريلا شاطره
هنعيش نكرر تاني كل ذكري حلوه فاكره
ببنيلك جيش عشان تحاربي بيه
سيبتي الكل وانا اللي عاكسك بتحاربيه
فكراني ايه هفضل مركون علي الرف؟
بعيد شريط الذكري تاني لقيتو سف
عقلك بيلف متضايقه من الاغاني
طب هقولك عيدي ذكري قتلي تاني
ها فكراني انا اللي كنت ابوكي
كنت اصلا نور الفرحه اللي في عنيكي
انسي ازاي مانتي اللي كنتي مني
مبقتش شايف واحده غيرك تستاهلني
مكرهتكيش عشقتك عشق ابدي
بنيت سور في حبك وانتي مصره تهدي
رسايل نازله علي الورق تلعن اوجاع
ومش مسامح كل اللي خان او باع
اسف سرحت فيكي غصب عني
ولسه بردو مصره تقولي خاني
مخونتكيش ل تاني مره بقولها
طب اسمعيني شوفيلك حجه غيرها
كورس حجازي متقال
عافرت ربع قرن من الالم كان نصه دموع
سالو الالم رد الالم قال موجوع
الحب ايه عشان تفارقي كدا
طب راجعي المشهد تاني لو انتي متاكده
الحب حاله واستحاله يكون مرار
الحب تكوني معايا جنه كان او نار
الحب يكمل وعد كان من البدايه
الحب انا وانتي بس لما كنتي معايا
الحب ايه بالنسبالك عشان تسيبي
واسالك ليه تردي تقولي نصيبي
حبيتي حبي ليكي لكن محبتنيش
وبسبب كدا قتلتي الحب وماخوفتيش
بلعن فراقنا لكن مبلعنكيش
حبيتك فعلا ف ازاي من غيرك اعيش
حبي ليكي مكنش حب عادي
حب اعتكاف واتغير من الليله دي
مشيتي وبعتي خلينا متفقين
اأذيكي ازاي عشره 3 سنين
في حبي انا وانتي مكنش فيه زيننا
وعارف انك كنتي هديه من ربنا
يا اشرف فصل فالقصه بتوصفها اغاني
وانا عارف انك سامعه كلامي دا وحساني
هبطل اغني من الليله دي وافضل اهادي
قتلتي قتيلك خلاص فداكي عادي
