منو انته
انته اكثر واحد بعمري عشگته
وانته اغلى انسان بالدنيا عرفته
وانته حلمي الي انتظرته واجا بوكته
أنته گلبي وانته دگته وكلشي انته
منو انته
انته شي أخسر حياتي لو خسرته
وانته احلى احساس بالدنيا اني عشته
وانته حبي وكل حلو بيك اختصرته
أصلا الحب ماعرفته لوما انته
تسألني ليش تسألني ليش
مايحلى بعيوني سواك
بدنيا مابيها هواك
وعيوني لو تطلبها اگلك فدوه هاك
تصور
حبي كبر الدنيا هاي ويمكن اكبر
وكل دقيقه اتفوت گلبي يحبك اكثر
صرت ابوس اسمك حبيبي ببالي لو مر
ولو أفكر احب غيرك صعبه اكدر
وتخيل
اتخيل اشگد ما اشوفك ولا تنمل
اتخيل اتضل بحياتي الحب الاول
والله اذا ما اشوف وجهك عيني تذبل
اتروح ناس وتجي ناس وتبقه الاجمل
بعيوني شوف
شلون حبك مايهون
مگدر اعوف
واني الك حبي بجنون
ولو فارگتني مدري بعدك وين اكون
معلومات الاغنية
كلمات ضياء الميالي
الحان وتوزيع ميثم علاء الدين
مكس وماستر جاسم محمد
جيتار Farshid
وتريات مجد جريدة
