هالله هالله هالله يا جملو أرض القداسي بلبناني كلّ لبلادنا زارو لمسو طهارة وإيماني
وينك يا خيي الخاطي جرّب صلّي بأمانة قوّل ما تقرر تتوب الله بيستجبلك بثواني
هاللآب الكلو رحمي بعتلك إبنو والكلمة بميلادو ظهرت نجمة عبّت الأرض غناني
كرمالك انت والكلّ عن حبّك ما كان يملّ رضي بالجلد وبالذلّ حتى تصير إنسان تاني
لأنك خيو الحبيب مات على أعلى صليب وتا يبقى لقلبك قريب تحوّل خمر قرباني
يا عدرا مين إلنا مين غيرك يا أحلى ياسمين خلينا نصير كلنا قديسين نضوّي بسما لبناني
