صدري لكل آه متغربه وطن وعيني لكل دمعه غرقانه كفوف
قصة أيامي ملامحها حزن والفرح قصه بقت بين الرفوف
السما ضاقت ولا حولي غصن انسجن حلمي ورى باب الظروف
مالقيت الا الشتا فاتح حضن أصبح شعور الأمان شعور خوف
السهر قاسي وليله مايحن وقته بعيني طويل وما يطوف
صبري إللي واقف بوجه الزمن والقلم واوراق وسطور وحروف
باعت ايامي بلاش وبلا ثمن السنين لحزني وعيوني تشوف
جرحي لامنه غفت عينه وسكن من همومي تفززه طعنة سيوف
السهر قاسي وليله مايحن وقته بعيني طويل وما يطوف
صبري إللي واقف بوجه الزمن والقلم واوراق وسطور وحروف
