آه آه آه آه
انا متخلقتش بكرهك ..... علشان يا دنيا تعذبيني
حاولت مره افهمك ..... لعبتي بيا ذلتيني
انا متخلقتش بكرهك ..... علشان يا دنيا تعذبيني
حاولت مره افهمك ..... لعبتي بيا ذلتيني
ليه حالك ميزانه اختل ..... ليه فيكي الضعيف يتذل
وبتستقوي ليه ع الكل ..... انتي يا دنيا قاسية علينا
دايماً تفرحي بدموعي ..... خارجه تمللي ليه عن طوعي
ضيقتك كسّرتلي ضلوعي ..... ليه بتحبي دمع عنينا
كرهتي الحياة في عينيا ..... قلبتي المواجع فيا
وجراحك كتيرة عليا ..... وصاحبني الجراح والهم
فوق كتفى هموم كسرتني ..... جوايا آلام هدتني
وانا عيني دي لو طاوعتني ..... هبكي بدل دموعي دم
ايامى فيكي بعدها ..... والحزن عندي يا دنيا عادي
دا انا كل حاجة بحبها ..... بسهولة بتضيع من قصادي
دوسي عليا واجرحي اكتر ..... ظلمك خلى املي اتكسر
يالا هي موته ولا اكتر ..... بيعي وخوني قلبي اتعود
دايماً بس بتعنديني ..... لاويه دراعي وبتأذيني
مابقاش فيكي شئ يرضيني ..... غدرك بيا طعمه يموت
اقرب ناس تخون وتبيع ..... والطيب في لحظه يضيع
والظالم بيبقى وديع ..... وده حالنا يا دنيا معاكي
مفيش واحد ضميره اتهز ..... ولا واحد بغيره يحس
كله يهمه نفسه وبس ..... والخير ضاع خلاص جواكي
