انا كنت راهب هندي عاش في النهر
فوقي و تحتي كوكبين من "زراق"
و انا كنت زاهد كل دي الأشياء
فوهبت اني أخطي حد الشوف
و كات بتتبعني سحابة صيف
و كان بيسمعني ييجي ١٠٠ انسان
و لما شفتك ما عدت غير شايفك
ولا عدت راهب غير بس شفايفك
و دا جزء مني بس سابني و راح
بتصدقي في تناسخ الأرواح؟
انا كنت فارس فوق حصان بيطير
فجأة رموني في زحمة المشاوير
وانا كنت زاهد كل دي الأشياء
فوهبت مكتب بس فيه تكييف
و لبست بدلة لزمة التكتيف
و صرفت عمري في الحياة ندمان
و لما شفتك غصب عني جريت
لا قدرت اعيش الربكة دي ولا قدرت اعيد
و دا جزء مني بس سابني و راح
بتصدقي في تناسخ الأرواح ؟
انا كنت ممشى اخضر يشوف البحر
و كنت جوز غزلان في حبس وقهر
و كنت اقرب من بيوت الناس
ولما شفتك اخترت اني اشوف
المرة دي شايفك بدون الخوف
و دا جزء مني باقي مهما راح
بتصدقي في تناسخ الأرواح ؟
