بتسال عن غرامنا الراح
نسيت ورد المني الفواح
بحاول برضي اتناسا
واضمد من جراحي جراح
بخاف لو صدفه تجمعنا
وسهامك لفؤادي تصيب
تجدد فيني كم غايه
تبعد مني وانت قريب
بخاف احلامي ديك تكبر
تعاند وظني فيك اخيب
اندم والندم مابفيد
زولا جرحو قرب أطيب
كرامتي الغاليه مابتسمح
أعيد الماضي والاحلام
أشرع ثاني كيف في لقاءك
تحطم قلبي بالأوهام
بخاف ياقاسي بي تغدر
اعود للماضي والآلام
وتنكر ريدنا ياقاسي
وتقول الريد نصيب وأقسام
اداري الدمعه وابسم ليك
كأنو البينا يوم ماكان
اخفي الحسره والاهات
شعور ماليني بالحرمان
عذب قلبي يامغرور
صنف من عذابي الوان
وكلما تضل طريق الريد
تأكد اني ليك عنوان
