محتاج سرير في مصحة نفسي عشان بموت
وهاتولي دكتور يجي واحكيلو عالضغوط
عالفاضي عمري بيجري مني قاعد يفوت
أنا حاسس إني هموت فحضرو التابوت
تعبان وعيني بتطفي شكلي اتعميت
عمال بيصعب موقفي أنا مين نسيت
وبرغم وجعي أنا بَتأذي بلبس في حيط
وبقيت عايش بمهدئات نفسي الشريط
دكتور في جامعة الوجع
قسم العذاب والإكتئاب
قبل النهار ليلي طلع
ضحكتي ماضية على الغياب
بكذب وأقول إني تمام
مع إني جاضض من الحياة
بنزف دموع قبل اما انام
مش لاقي حد أحكي معاه
مركب حياتي خلاص غرق قولو وداع
أنا عمري في دقيقة اتسرق بسهولة ضاع
من جرحي قلبي بيتحرق داخل صراع
بقا كله فجأة بيفترق باع اللي باع
أنا قلبي مات وبإيدي خدت لو العزا
ارتاح بجد ده كان تملي بيتأذى
من وقتها وانا ماسكة فيا النرفزة
إني أبقى طيب تاني محتاج معجزة
خلصت خلاص كل الحكاية
بس النهاية مؤلمة
كان نفسي ألاقي اصحاب معايا
بس الحياة متسستمة
على إني أكون انسان وحيد
عايزة الهموم تفضل تزيد
الحزن بقا ماشي في الوريد
وأنا بالوجع بقيت مريض
بعد اما احبك وافرش الأرض في ورود
ألقى في مشاعرك قسوة وتردي برود
عديت كتير علشان أكون وياكي موجود
عالشوك برجلي مشيت وكنت بنزف واموت
أيوا اكتشفت إن الوعود كانت كلام
لما الغلاوة بنا بانت في الخصام
وانتي بعيدة عني مش بعرف أنام
هفضل بحبك مهما أشوف منك ألام
اه فخور بنفسي عشان
بقيت أكتر واحد فاهم البشر
عارف إني مهما عملت ليهم
في ثانية خيري بيتنكر
مش هبقى تاني خلاص جدع
هيفيد بإيه لما اتلدع
أنا مين سندني في وقت ضيقتي
ده أنا كنت ميت من الوجع
