ألمنا على قد أملنا وأملنا سبب عملنا
حلم كبير ألام كثير وهذه قاعدة عالمنا
ما درست كلامي في صف بس دي دروس زمنَا
لو الدنيا كانت حلوه ربك ليش بيخلق جنَه
كلو بيحارب ناس تبى البقاء ناس تبى الارتقاء
في الشِده يبى الرخاء في الرخاء يبى استرخاء
-------------------------------------
الغني يبى يغنى انسان طماع
نحنا في غابه يابا ودا رأي الاجماع
لما الداشر دشر مسكوه عابوه كل البشر
لما ربك هداه عابوه بماضيه نفس البشر
تسمع الواحد يفتخر يقلك قلبو حجر
بس كيف صار حجر؟ قد ايش تحمل ضرر
عرفت اسأل السؤال الصح في الوقت المناسب
دام كلنا بنغلط! انتا مين رشَحك محاسب
كدا كدا الدنيا دايره ناس في السماء وناس طايره
لو ما كنت هذا او هذا يعني انتا برا الدايره
ONLY GOOD VIBE
متواجد في الدايره
مقلوبه بس سايره
عجله مايله حتصل في طفران في كل عايله
زي مافي عايله مبسوطه في عايله همومها شايله
في الاعلام بتسمع طاقه سلبيه وايجابيه
في الديوانيه سلبيه تقلب طاقه ايجابيه
اعلام يبى يوريك كيف تعيش حياه سعيده
اعلام يدور مستقبل مايدور على الحقيقه
ماينفع تتكلم بصوتي ومنتا حاس بجوعي
في الشارع مسدوح ونايم خافي نور الشمس بكوعي
انا مختلف
ماتمثلني ولا امثلك
ستاره تخفي شمسك وانتا قاعد على مكتبك
كيف تبا تسمع الشارع ونتا من برج تطالع
كيف تحاول توجه مجتمع ونتا اصلا ضايع
تبى تعرف ليش قوي ونتا ضعيف؟
لأنو انا والمستمع قعدنا في نفس الرصيف
وكدا كدا الدنيا دايره ناس في السماء وناس طايره
لو ماكنت هذا او هذا يعني انتا برا الدايره
