الخيال فاتح موضوع والقلب وحيد موجوع

واش منهم أو لا مني واش ذنبي

ضحاو عليا شموع فميلادي طاحو الدموع

ولّى الخوف ممنوع يكون فدربي

آه يا يما آه شكون ضد ولدك شكون معاه

شكون زرع الشوك فطريقي باش نلقاه

وشكون لقى لوقيد وجيت فبالو عليا رماه

وحيت ربي كبير جا غا الريح طفاه

يا حسرة وخسارة الدنيا غدارة

ولي خدلونا نساو بلي دوارة

آرا يا زمان آرا كولشي عرف الايام حگارة

والجرح ما يتسمى جرح ادا ما خلا الامارة

متقولوا ليما راه مجروح وجناحي مكسور

يا زهري ديني معاك نروح فطيارة ولا بابور

قولوا للحبيبة راه اللي غارو باعونا فابور

وقصتي بين الناس الدور من طنجة للناظور

متقولوا ليما راه مجروح وجناحي مكسور

يا زهري ديني معاك نروح فطيارة ولا بابور

قولوا للحبيبة راه اللي غارو باعونا فابور

وقصتي بين الناس الدور من طنجة للناظور

سهران الليل والمشاهب تغني رسامي

ما تاقوا بكلامي ما وفالي غرامي

وشكون حرّض الريح باش ما يرفرفش علامي

وشنو اللي خلى المراية تهضر وهيا قدامي

واش باغية تبكيني أو لا تنسيني

أو لا تخليني ضايع بين البارح واليوم

وكل مرة مشاكل ومصايد وحفاري فطريق

وعديان جداد يتمناو ينشف ريقي

وعلاش بغا الحوت يطير وهو غير كيعوم

ويوم يشبه يوم وعلاش بنادم فيا يلوم

والسما اللي عامرة غيوم صبت ويدان وفيها نعوم

وياك حق المظلوم واخا يستروه يبان في يوم

متقولوا ليما راه مجروح وجناحي مكسور

يا زهري ديني معاك نروح فطيارة ولا بابور

قولوا للحبيبة راه اللي غارو باعونا فابور

وقصتي بين الناس الدور من طنجة للناظور

متقولوا ليما راه مجروح وجناحي مكسور

يا زهري ديني معاك نروح فطيارة ولا بابور

قولوا للحبيبة راه اللي غارو باعونا فابور

وقصتي بين الناس الدور من طنجة للناظور

والله ما ذنبي ولا ذنب اللي دارو قلبي

هوما اللي حاربوني وسماوها حربي