يا ورد ملك الشوك يا بحر كلك موج
يا عين غمت فإتسمت من اللي شافتني ليها زوج
ستة وستين يوم صبروني سنين
شفت فيهم ضحكة صبرتني في رحلة ألف ميل
يخرج أحمد من اللي فيه يوم عن يوم بتملكيه
يبعد ميل بتقربيه يثقل حمله فتشليه
علمتيه إنك تكوني طريقه بدونك هيتوه فيه
كنت ليه طعم أول نبض قلبه مستنيه
نسمة بيتنفسها ريح وبينافسها في حضن بيداريه
كنت دي ولا ده وش بيه بتخدعيه
كنت حضن بيدفيه ولا برد بينهش فيه
حد هرب من الماضي ليه أيام والحد ده بقى ماضيه
تاه فكنت حبل نجاة وبنفس الحبل بتشنقيه
شاف أيام كنت بتحييه قدامها سنين بتقتليه
ثلاث سنين لو سألتي مين يحكي بالتفصيل
شيل بشيل أهرب ليه؟ حملي ثقيل
برضى بالقليل بوهم نفسي أشوف سعادتي فيه
ببتسم وأداري دمعي منك كل مرة يسيل
ثلاث سنين بموت ثلاث سنين مش حاسة
ثلاث سنين الكاس مفارقش إيدي بحاول أنسى
ثلاث سنين اللحن يبكي فأبكي في ظهره
ثلاث سنين بتمنى الموت عايش بجمع في مهره
ثلاث سنين بتذل والجرح زاد ما قل
ثلاث سنين مش شايف غير الموت قدامي حل
ثلاث سنين يقولوا لك ع اللي في قلبي شايله لك
ثلاث سنين من قلبي كل الخير بتمنه لك
غلطتي مرة شلت في قلبي منك وإستحملت
أدوس على نفسي مرة غصبا عني الثانية قبلت
آه زهقت غلطة في غلطة ما بتحسيش مهما إتكلمت
بعدت عشان تعبت، تعبت أكثر بعدك لما سبت
يوم ورجعت لما سمعت منك كلمت بعدك ضعت
قلت لنفسي ليه البعد أديها بتقرب لما بعت
قربت لك قرب لها بلاش إنت تصدها
مش يمكن حست بعدك قد إيه إنت صنتها
جملة الواقع بحرقها وحروف الزيف ألزقها
كون منها عذر ليها بكذب كذبة وبصدقها
بنام على السراب وأصحي سامع صوت غراب
ببني لوحدي في القصور وأبكي لوحدي ع الأنقاض
يومين وإيه اللي فاض رجعتي زي المرة الأولي
يومين وإيه اللي فاض مايله وشوفتها معدولة
يومين رجوع وراحوا زي أول أيام ما راحو
ترجع سلمى لحياتها وأحمد يرجع وسط جراحه
يومين فرحنا وإحنا مش إحنا ده أنا سنة
في وش الريح كافحنا هي وأنا لسه بتسأليني مين؟
هي اللي شالت واللي قالت طول ما فيّ نفس
هبقى في ظهرك عوضك ع المر اللي ذقته طول سنين
وده مقللش منها ما فتكرش غيرها
كان ممكن تقبل بواحد ميت وبروده بيقتلها
شوفي السنين ده من سنين كان مستحيل
أسمع صوتك وما بكيش تيجي سيرتك وما حكيش
جاية النهار ده فجأة بتقولي تعبت وراجعة
جاية النهار ده يا واحدة عرفتني معنى الدمعة
بتقول أرجع لك بتقول أسمع لك
وبتسأليني مين من بعدي شفت إنها ممكن تنفع لك
هي أكيد مش إنت هي مسكت فيّ لما سبتي
هي القمر في سمايا لما كنت الشمس وغيبتي
هي ضهري بعد ما إنت قطمتي ببعدك ضهري
إنت يا سلمى عطشي هي كل نقطة مية في نهري
