اسئل عليا نجوم الليل
كم بت ساهر اناجيها
واسئل عليا المطر والسيل
منك وعنك احاكيها
انا هويتك وشلتك شيل
وسط العيون وانت تبكيها
حملتني حمل عد الحيل
ناري تموت وانت تحييها
انا هويتك وحبيتك
واهديت لك قلبي الحساس
وما طلبته قد اديتك
لكن طبعك عديم احساس
قد جيت لك يوم ونبيتك
الكبر يا فاتني نكاس
عد تجي لي ايام ارد الكيل
كيلين والدهر يديها
لاتعتقد ان عمرك طاب
شوف الحياه ما تدوم لحد
لو طاب لك اليوم بعده عاب
به يوم ابيض ويوم اسود
لاتخدعك نظرة الاعجاب
الكل لك بالحلا يشهد
اعجب من الصخر وسطه غيل
والورد اشواكها فيها
كلامهم للاسف غرك
والمدح يافاتني يرضيك
والوصف هذا الذي ضرك
صحيح كل المحاسن فيك
لكن اسف ما ابسروا شرك
ولا ابسروا ماعرفته فيك
فيك الحلا والسلا والويل
وجنتك نار انا فيها
