اتحدتني
إن بإحساسها هتقدر تحيي شعور فيا
وقالتلي نجرب يمكن راحتي تكون هي
مارديتش امنعها وقولت اهو خيط اتشعبط فيه
ماهي حبتني
علشان كده حاولت فيا وفعلا مشكورة
كل أما تقرب توضح تفاصيل في الصورة
إن أنا جوايا وجع أضعاف إللي أنا بحكيه
اتأخرت
انا موت قبليها ألف مرة
إللي جوه غير إللي بره
أذيتها لما انا سبتها
بيزيد في قلبها حبها
ياريتني كنت منعتها
وياريتها كانت فكرت
اهي وجعتني
وهلومها إزاي ماهو قبل ومن بعدها مجروح
ماهو اصعب حاجة تشوف النور بعديها يروح
مش عيب منها العيب إن انا كان نفسي أعيش
ليه خلتني
اتمنى حياه ومقدرش أدخلها وأعيش فيها
منا كنت في حالي وعيشتي لوحدي رضيت بيها
بطلت الحب ووجع القلب ماليزمنيش
