بدّي احكي سياسة

لأنّو السياسة داخلي بالسفستك تبع حياتي

بدّي احكي سياسة

لأنّها عم تدّخل بأحوالي وعم تلعب بإحساسي

بدّي سمّي الإشيا بأساميها

وإذا اضطر الأمر، إبدّي غيّر بالأسامي

خلّينا نتّفق أوّل بأوّل إنّو ما فيش

حدن عوجّ الأرض في عندو عرق سامي

خلّينا نتّفق أوّل بأوّل إنّو اشقدّ ما يقطع وقت عالإستعمار

الإستعمار رح يبقى فعل إجرامي

أول بأوّل خلّينا نتّفق إنّو المدعوس

من حقّوا إنّو يقاوم، من حقّوا إيّ فعل مقاومة

خلّينا نتّفق إنّو حقوق الإنسان

عم تطبّق عإنسان ومش عإنسان تاني

خلّينا نتّفق إنّو تطبيقها لازم يكون إلزامي

بدّي احكي سياسة

لأنّها عم تدّخل بأحوالي وعم تلعب بإحساسي

مش مسموح تكون قاعد ببيتك

يجي حدن يقلك بيتك صار بيتي

خلّي كلّ شي مكانو

اتروك غراضك واللّه معك

بسّ رفقاً…رح اسمحلك بالتتخيتة

فلسطين ما الها دين

فلسطين امتحان العدالة

بحال مبادئ العدالة لسّا موجودين

انشالله ما كون أنا لوحدي عم فكّر هيك لحالي

لأنّو بهيك حالة

ما النا عازة نبقى موجودين

ليك بدّي احكي سياسة

لأنّها عم تدّخل بأحوالي وعم تلعب بإحساسي

متل كاّنّو في كذب بالجوّ

متل كأنّو في نفاق بالهوا

مع نتفة تضليل، مع نتفة تستير

مع تفنيص بالمحتوى

قانون دولي في

لكن مافيش شي دولي فيه

أمم متّحدة على عدم الإتحاد

عم بتبعبص ببعضها عحساب العباد

رح خبّركن شغلة ما بعرف إذا عارفين

نفسن اللّي بدن يوقفوا النار عند الأوكران

بدّن إنّو النار ما توقف بفلسطين

بدّي احكي سياسة

لانّها عم بتبعبص باحساسي