‎نسمة حنين بتنادي فـ قلوبنا الوجع

‎والموج بيهدى ويتقل اللبس الخفيف

‎حكايات قديمة بتصحى فينا ونفتكر

‎نفس الدموع دي بتبقى آخر كل صيف

‎الشمس لما بتمشي واما بيجي ليل

‎نرجع لماضي بعيد ويسحبنا الفضول

‎ونقول هيمشي الصيف ويوجعنا واتاري

‎نفس الوجع بنحسه مع كل الفصول

‎ناس كات هنا، ومابقوش هنا .. مشيوا لبعيد

‎نفس المكان والفرق بس .. بقيت وحيد

‎خلصوا الساعات الحلوة وهيجي المطر

‎ويبدل الوجع اللي فيك بوجع جديد

‎الشمس لما بتمشي واما بيجي ليل

‎نرجع لماضي بعيد ويسحبنا الفضول

‎ونقول هيمشي الصيف ويوجعنا واتاري

‎نفس الوجع بنحسه مع كل الفصول